Hvað kom fyrir Ísland?

13. Júlí s.l birtist í Norska dagblaðinu Nationen grein eftir Heming Olaussen, formann Nei til EU í Noregi.

Eftirfarandi er þýðing á umræddri grein:

Haustið 2008 sprakk Icesave-sprengjan. Í ljós kom að íslenska bankakerfið var byggt úr loftkastala nýfrjálshyggjunnar; peningar lánaðir hægri vinstri og trúin á eilífan vöxt. I kjölfar íslensku bankakreppunnar kom pólítísk kreppa, íhaldssami ríkisstjórnarflokkurinn var látinn fara og fyrsta rauðgræna ríkisstjórnin kom í staðinn. Sósialdemókratar sáu í fyrsta skipti fram á að koma í gegn sínu sameiginlega hjartans máli: aðild Íslands að Evrópusambandinu og setti sem skilyrði í stjórnarmyndunarviðræðunum við Vinstri græn að sótt yrði um aðild. Umsókninni var naumlega ýtt í gegnum þingið og hin klofna ríkisstjórn sótti um aðild sumarið 2009. ESB samþykkti svo umsóknina á leiðtogafundi sínum í júní í ár.
Er Íslands s.s. á leiðinni inn í ESB? Hefur þetta afleiðingar í Noregi ?

........

Núna er sumarið 2010. Aðildarviðræður milli Íslands og ESB eru í aðsigi. En það er hljóðlátt í norskum fjölmiðlum og á norsku já-hliðinni. Hvað gerðist eiginlega?
Það er eins á Íslandi og í Noregi: Fólk fer frá því að trúa í örvæntingu á ESB og evruna sem lausn haustið 2008 en það breyttist fljótt og strax árið 2009 fór hlutfall aðildarandstæðinga að líkjast því sem er í Noregi. U.þ.b. 60% segja nei við aðild, 25% já, 15% eru óviss. Og meira til: Fjölmargir Íslendingar vilja draga umsóknina tilbaka. Íslenska efnahagslífið er á batavegi, eftir að gengi krónunnar féll, útflutningurinn blómstrar og Íslendingar kaupa frekar íslenskt en áður osfv. Aðstæðurnar eru ekki dans á rósum. Margir eiga erfitt og ýmsar aðgerðir eru hafnar s.s. í húsnæðisgeiranum. En það gengur yfir.

.......

Ekki er útlit fyrir jákvætt svar í komandi þjóðaratkvæðagreiðslu. Það endurspeglast ekki síst í hlédrægni aðildarsinna á Íslandi. Utanríkisráðherrann hefur sagt að viðræðurnar við ESB gætu tekið langan tíma, jafnvel mörg ár. Sjálfsagt, í von um að eitthvað gerist sem geti snúið við skoðun landans. Einmitt það sem norskir aðildarsinnar bíða og vonast eftir.
Í millitíðinni hefur Sjálfstæðisflokkurinn ákveðið að leggja fram tillögu í þinginu í sumar um að draga aðildarumsóknina tilbaka. Það getur valdið stjórnarkreppu. Ríkisstjórnarflokkarnir eiga í miklum vandræðum vegna tillögunnar. Hún gæti valdið nýjum pólítískum slag á Íslandi, á sama tíma og Icesave-deilan við Bretland og Holland er óleyst. Nú hefur ESA (eftirlitsstofnun EFTA) sagt að EES-samningurinn skyldi Ísland til að fara að kröfum Breta og Hollendinga. Þetta reitir jafnvel aðildarsinna til reiði. Spurningin er: Hefur þessi yfirlýsing ESA einnig gildi í Noregi ? Það væri mjög áhugavert að vita, en það er annað mál.

Í millitíðinni óska ég bandamönnum okkar í Heimssýn og ungliðafélaginu Ísafold virkilega góðs sumars í nafni samstöðunnar. Þeirra barátta er okkar barátta.